Հաղորդավար Վարդան Սարգսյանը նշել է իր կյանքի ամենակարևոր պահը՝ նա դարձել է հայր։ 😍 Լուրը նա հրապարակել է իր ֆեյսբուքյան էջում՝ կիսվելով երեխայի լուսանկարով 👇
Հանրահայտ հաղորդավար Վարդան Սարգսյանը նշել է իր կյանքի ամենակարևոր պահը՝ նա դարձել է հայր։ Լուրը նա հրապարակել է իր ֆեյսբուքյան էջում՝ կիսվելով որդու՝ Նորայր Վարդանի Սարգսյանի լուսանկարով։
«Այսօր ես զգացի աշխարհի ամենամեծ երջանկությունը։ Իմ որդին՝ Նորայրը, եկավ այս աշխարհ։ Շատ շնորհակալ եմ բոլորիդ բարեմաղթանքների և ուրախության համար», – գրել է Վարդանը։
Իր մասնագիտական կյանքի մասին խոսելիս նա հաճախ է շեշտել, որ բախվել է մի շարք դժվարությունների և ռիսկային իրավիճակների։ Նրա խոսքով՝ լինում են նկարահանումներ, որոնք լեցուն են սուր պահերով.
«Մեզ համար երբեմն չափազանց վտանգավոր է որոշ վայրերում աշխատելը, հատկապես՝ երբ գործ ունենք անհայտ և վայրի վարքագծով մարդկանց հետ։ Չնայած անվտանգության ծառայողներին, ամեն ինչ կախված է շփման ճիշտ մոտեցումից։
Օրինակ՝ երբեմն ստիպված ես լինում փորձել տեղական զզվելի ըմպելիքներ՝ պարզապես չնեղացնելու նրանց։ Հակառակ դեպքում դա կարող է վտանգավոր դառնալ։»
Վարդանը նշում է, որ իր հաղորդումները նկարահանվում են առանց դադարների ու վերանկարահանումների։ «Սա ֆիլմ չէ, այստեղ չես կարող կրկնել մի դրվագ։ Ամեն վայրկյանը կարող է լինել վճռական։ Դրա համար մենք աշխատում ենք ամբողջական նվիրումով», – ընդգծում է նա։
Նա նաև նշում է, որ յուրաքանչյուր եթերաշրջանի համար ընտրվում է ոչ միայն մայրցամաք, այլև մի երկիր, որտեղ կան եզակի փաստեր ու պատմություններ։ «Վստահորեն կարող եմ ասել՝ «Աշխարհի համերովը» ամենաթանկարժեք ճամփորդական նախագիծն է հայկական հեռուստատեսության պատմության մեջ։
Միայն մեկ եթերաշրջանի նկարահանումների արժեքով կարելի էր բնակարան ձեռք բերել Երևանի կենտրոնում», – հավելում է հաղորդավարը։
