Ինչի համար է Արամ Մելիքյանի հայրն ապտակել նրան😵💫Շոումենն անկեղծացել է և պատմել իր և հոր հարաբերությունների մասին․ Տեսանյութ👇
Հաղորդավար և պրոդյուսեր Արամ Մելիքյանը վերջերս մասնակցել է Break Point-ի հերթական էպիզոդին, որտեղ բացահայտ խոսել է ընտանիքի, դաստիարակության և անձնական փորձառությունների մասին։
Զրույցի ընթացքnւմ նա անդրադարձել է նաև իր մանկության հիշարժան պահերին, որոնք ձևավորել են իր բնավորությունը։
Մելիքյանը նշել է, որ իր ընտանիքում երբեք չի եղել պարտադրված խստություն, սակայն երբեմն ծնողի խիստ մոտեցումը կարող է դառնալ բեկումնային պահ երեխայի զարգացման մեջ։
Նա հիշել է, թե ինչպես տարիներ առաջ հորից ապտակ է ստացել, ինչը հետագայում փոխել է իր կյանքի ուղղությունը։
«Իմ ծնողները ֆանտաստիկ մարդիկ են, նրանք միշտ սիրով ու համբերությամբ են առաջնորդվել։ Բայց մի քանի անգամ եղել են պահեր, երբ խիստ մոտեցումն անհրաժեշտ էր։
Ես երբեք չեմ մոռանա այն ապտակը, որը ստացա հորիցս՝ դա ուղղակի փոխեց իմ կյանքը դեպի լավը։ Այդ պահին ինձ համար դժվար էր, բայց տարիներ անց ես շնորհակալ եմ այդ միջադեպի համար», – պատմել է Արամը։
Խոսելով երեխաների դաստիարակության մասին՝ նա նշել է, որ իր երեխաների հետ ավելի մեղմ է, սակայն երբեք չի ժխտել, որ խիստ մեթոդները որոշ իրավիճակներում կարող են օգտակար լինել։
«Եթե ես վստահ լինեմ, որ մի թեթև խրատական հարվածը կօգնի երեխային հասկանալ սխալը, ես դա կկիրառեմ։
Բայց ամենակարևորն այն է, որ պատիժը լինի արդար և նպատակային», – ընդգծել է նա։
Արամ Մելիքյանը նաև անդրադարձել է երեխաների աճող հետաքրքրությանը նոր տեխնոլոգիաների և թվային աշխարհի նկատմամբ՝ նշելով, որ ծնողները պետք է ուշադիր լինեն, որպեսզի երեխաները չհայտնվեն վտանգավոր միջավայրերում։
Նա շեշտել է, որ դաստիարակության լավագույն մեթոդը ծնողի նվիրվածությունը, ուշադրությունն ու ճիշտ ժամանակին տրված խրատն է։
