😮«Արմենն իմ հորն ասեց` եթե դուք իրեն չտաք ինձ, ես․․․»․ Աննա Էլբակյանը`հորն ընդդիմանալու և ամուսնուց 4 անգամ բաժանվելու մասին👇
«Կյանքի ուղիներով» հաղորդաշարի վերջին թողարկման հյուրն Աննա Էլբակյանն էր, ով անկեղծորեն պատմեց իր կյանքի գլխավոր դրվագների մասին։
Նրա և Արմեն Էլբակյանի սիրո պատմությունը սկսվեց, երբ Աննան ընդամենը 17 տարեկան էր։ Առաջին հանդիպումը թատրոնում էր, և, ինչպես դերասանուհին նշեց, առաջին հայացքից հասկացել է՝ Արմենը իր ապագա ամուսինն է։ Չնայած տարիքային տարբերությանը, ինչը սովորաբար խոչընդոտ է դառնում, Աննան որոշեց հետևել իր սրտին։
Արմեն Էլբակյանն իր հերթին հիշում է՝ ինչպես կատակով ասել էր մորը, որ այդքան գեղեցիկ կինն անպայման պիտի դուստր ունենար, որպեսզի ամուսնանար։ Սակայն կատակն իրականություն դարձավ, երբ ճակատագիրը նրանց կապեց։ Զույգի ամուսնությունը տեղի ունեցավ համեստ և թատերական պայմաններում։
Հարսանեկան զգեստը պատրաստել էր Արմենի հորաքույրը, իսկ քողը՝ իրական նարգիզներից, հյուսել էր Աննան անձամբ։
Դերասանուհին շեշտեց, որ քրիստոնեությունն իր կյանքի կարևոր մասն է։ Նա գտել է իրական հավատքը դժվար փորձառությունների միջով անցնելուց հետո՝ հասկանալով, որ Քրիստոսն եկել է աշխարհ, որպեսզի դառնա մարդու նման։
Աննան հիշեց նաև իրենց որդուն՝ Էդգարին, ում կյանքը լցված էր գրականությամբ։ Նրա «Մորս» բանաստեղծությունը հետմահու վերածվեց «Լուսին» երգի։ Էդգարի պատմությունը, ցավոք, ավարտվեց 18 տարեկանում, բայց նրա թողած ժառանգությունն ապրում է։
Զույգի կյանքում եղել են դժվար փուլեր՝ բաժանումներ և վերամիավորումներ։ Ինչպես Աննան նշեց, տարիների ընթացքում նրանք հասկացել են, որ ընտանիքը անընդհատ սեր ու ջանք է պահանջում։
«Մենք հասկացանք, որ ընտանիքը երբեք ավարտված չէ, և փոխելով ինքներս մեզ՝ փոխեցինք նաև մեր աշխարհը»,- ամփոփեց Աննան։
