Ինչպես արդեն հայտնել էինք այսօր ՀՀ պաշտպանության նախարար Սուրեն Պապիկյանի հարսանիքն է:
Պսակադրությունը տեղի է ունենում Գեղարդում:
Հարսանիքի լուսանկարիչներն արդեն հասցրել են համացանցում այսօրվա ֆոտոսեսիայից որոշ լուսանկարներ տեղադրել: Նշենք, որ Հարսանիքն անցկացվում է Փարավոն ռեստորանում, ամուսնական զույգը լուսանկարվել է Քարերի սինֆոնիայում:
Նրա ընտրյալը իր նախկին մամուլի խոսնակ Արմինե Մուրադյանն է:
Հարսանիքի քավորը լինելու է աշխատանքի և սոցիալական հարցերի նախարար, ՔՊ անդամ Նարեկ Մկրտչյանն է: Նա և Պապիկյանը կուրսընկերներ են եղել:
Արմինե Մուրադյանի մասին շատ բան հայտնի չէ: Նրա ֆեյսբուքյան էջում գրված է, որ սովորել է Երևանի պետական համալսարանի Միջազգային հարաբերությունների ֆակուլտետում:
Զույգը երկար ժամանակ թաքցրել է իր հարաբերությունները, հաշվի առնելով, երևի պաշտոնական դիրքերը: Նրանց մասին հանրությունն իմացավ վերջերս, երբ արդեն նշանվել էին և արդեն Սուրեն պապիկյանն այլևս Արմինե Մուրադյանի ղեկավարը չէր:
Երբ Սուրեն Պապիկյանը տեղափոխվեց այլ նախարարություն, Արմինե Մուրադյանն ազատվեց Տարածքային կառավարման և ենթակառուցվածքների զարգացման նախարարի մամուլի քարտուղարի պաշտոնից և տեղափոխվեց Հայաստանի տարածքային զարգացման հիմնադրամ:
Սուրեն Պապիկյանը ծնվել է 1986 թվականի ապրիլի 26-ին Ստեփանավանում:
