Ֆրանսիական թխվածքները իսկական արվեստ են: Ամբողջ աշխարհի խոհարարները ձգտում են իմանալ բագետների, կրուասանների բաղադրատոմսերի նյուանսները:
Բագետի ստեղծման վերաբերյալ մի քանի պատմություններ կան, սակայն դրանցից ոչ մեկը վերջնականորեն չի հաստատվել։
Ըստ առաջին վարկածի՝ բագետի ստեղծումը վերագրվում է Նապոլեոնյան պատերազմների դարաշրջանին: Հացթուխները հատուկ պատրաստում էին երկար և բարակ հացեր, որպեսզի զինվորները կարողանային դրանք տեղափոխել իրենց շալվարների մեջ դրած։ Այս վարկածը ամենակասկածելիներից է․ նախ՝ ակնհայտ է, որ հացը տեղափոխելու այդ միջոցը այդքան էլ հարմարավետ չէ:
Պատկերացրեք, թե ինչի կվերածվեր հացը երեկոյան ընթրիքի ժամանակ։ Բացի այդ, բագետը նախատեսված չէ երկար պահպանման համար: Այն չորանում է պատրաստումից մի քանի ժամ անց։
Ըստ մեկ այլ վարկածի՝ բագետը ֆրանսիական արտադրանք չէ: Այն ավստրիական է, իսկ ավելի կոնկրետ՝ վիեննական։ 1839 թվականին Փարիզում բացվեց «Վիեննական հացի խանութ» և վերջինիս ապրանքներից մեկը՝ բագետը, շուտով դարձավ հայտնի և՛ Ֆրանսիայի մայրաքաղաքում՝ Փարիզում, և՛ երկրի մյուս քաղաքներում:
Այսօր կներկայացնենք ֆրանսիական հացի մի բաղադրատոմս:
Բաղադրիչներ
1ճ.գ խմորիչ
250մլ ջուր
3ճ.գ շաքար
Կես թեյի գդալ աղ
80մլ բուսական յուղ
1 ձու
250գ ալյուր
250գ քունջութ
Մեծ տոպրակի մեջ խառնում ենք խմորիչը, ջուրը, շաքարը, աղը, յուղը և 220 գրամ ալյուրը:
Փակում ենք տոպրակը և խառնում:
Տոպրակը դնել տաք ջրով լցված տարայի վրա և թողնել 30 րոպե: Խմորի վևրա լցնում ենք 30 գրամ ալյուր և էլի խառնում: խմորը թողնում ենք ևս 1 ժամ, որպեսզի բարձրանա:
Խմորը հանում ենք տոպրակից և բաժանում 3 մասի:Ամեն մի գնդիկը երկարեցրու և հյուսք արա: Պատրաստի հյուսքի վրա ձու քսի և քունջութ շաղ տուր: Թխիր 150 աստիճան ջերմաստիճանի տակ 40 րոպե:
Բարի ախորժակ…