Ո՞վ չի սիրում ուտել թեթև և նուրբ թխվածք: Էլաստիկ, փքուն, փափուկ. ահա մեր նյութի գլխավոր հերոսի բնութագիրը: Բիսկվիթի խմորն օգտագործում են տորթերի, ռուլետների, պիրոգների և ամենազանազան թխվածքների պատրաստման ժամանակ:
Բիսկվիթ պատրաստելն այդքան էլ հեշտ գործ չի: Այն ոչ բոլորի մոտ է լավ ստացվում: Որոշների մոտ այն այդքան էլ փխրուն ու փափուկ չի ստացվում, որոշների մոտ՝ համեղ, իսկ ոմանց մոտ էլ չի բարձրանում: Իսկ եթե փորձեք պատրաստել հենց այս բաղադրատոմսով, ապա միշտ դրանից կօգտվեք:
Բաղադրությունը
3 ձու
150 գ շաքարավազ
100 մլ ձիթայուղ
125 մլ կաթ
0,5 թ.գ փխրեցուցիչ
1 թ.գ վանիլային շաքար
250 գ ալյուր
Պատրաստման եղանակը
Ձու, շաքար եւ վանիլային շաքարը լցնել ամանի մեջ: Բարձր արագությամբ հարիչով 3 րոպե հարել: Ավելացնել կաթ, հետո բուսական յուղը, ալյուրը:
Այնքան հարել ու խառնել, որպեսզի ստացվի միատարր զանգված: Լցնել ամանի մեջ մոտ 19սմ հաստությամբ յուղապատ թղթի վրա: Այնուհետև տեղադրել ջեռոցի մեջ:
Թխել 30 րոպե 190 աստիճան ջերմաստիճանի տակ:
Որոշ խոհարարներ խորհուրդ են տալիս սոդայի կամ փխրեցուցիչի հետ օգտագործել քացախ կամ կիտրոնաթթու, սակայն ոչ թե նախապես գդալի մեջ խառնած, այլ առանձին խմորի մեջ լցնելով:
Թխվելու ընթացում լավ կլինի ջեռոցի դռնակը չբացեք, քանի որ բիսկվիտը կարող է «նստել»: Անհրաժեշտության դեպքում բացեք միայն շատ փոքր:
Պատրաստի բիսկվիտը թողեք, որ սառչի հենց ձևամանի մեջ, ապա նոր միայն հանեք միջից:
