Սյուզան անունով կանադուհին որոշել է չեղարկել իր հարսանիքը շատ անսովոր պատճառով։ Աղջիկը պատրաստվում էր հարսանեկան արարողություն կազմակերպել հայտնի Քիմ Քարդաշյանի ոճով, սակայն նման տոնը նրա վրա կարժենար 60.000 դոլար։
Պահանջվող գումարը հավաքելու համար Սյուզանը որոշել է գործին ներգրավել հարազատներին ու մտերիմներին՝ հրավիրելով նրանց հարսանիքի։ Ինչպես պլանավորել էր հարսնացուն, նրանցից յուրաքանչյուրը պետք է նրան 1,5 հազար դոլարի չափով կանխիկ նվեր տար։
Հակառակ աղջկա ակնկալիքների, նրա մերձավոր շրջապատի մարդիկ այնքան էլ առատաձեռն չեն եղել, որքան նա սպասում էր, և հրաժարվել են մասնակցել հարսանեկան նման մասշտաբային տոնակատարությանը։ Հիասթափված Սյուզանը հայտարարեց, որ որոշել է դադարեցնել ամուսնությունը։
Հարսնացուի խոսքով՝ հյուրերից միայն ութն են համաձայնել նման անհամեստ պահանջներին։ Նա պատմել է, որ վկան իրեն նվիրել է 5000 դոլար, իսկ ապագա ամուսնու ընտանիքը աղջկան ուղարկել է ընդամենը 3000 դոլար։ Մնացածն անտեսել է տոնակատարությանը մասնակցելու համար վճարելու պահանջը։
Նախապես պատրաստված հրավերներում Սյուզանը հյուրերին զգուշացրել է, որ հարսանիքին կարող են մասնակցել միայն նրանք, ովքեր 1,5 հազար դոլար են նվիրաբերում զույգին։
Մերկանտիլ մարդու փեսան փորձել է մխիթարել իր ապագա կնոջը և առաջարկել Լաս Վեգասում համեստ հարսանեկան արարողություն կազմակերպել։ Սա ավելի է զայրացրել Սյուզանին. աղջիկը ծիծաղել է երիտասարդի երեսին և հայտարարել, որ ինքը «մարմնավաճառ չէ», որպեսզի նա իր կյանքի գլխավոր իրադարձությունը նշի «ալկոհոլների և խաղամոլների» մեջ։
Այն բանից հետո, երբ տղան իր սիրելիին անվանեց «ամբարտավան բզիկ», զույգը, որը միասին էր 14 տարի, բաժանվեց։ Սյուզանը ջնջել է սոցիալական ցանցերի իր էջերը և հայտարարել, որ որոշ ժամանակով մեկնում է Հարավային Ամերիկա։
Համացանցի օգտատերերը շատ բուռն են արձագանքել այս պատմությանը։ Նրանցից շատերը ուրախ էին փեսայի համար, ով ճակատագրական սխալ չգործեց՝ ամուսնանալով մերկանտիլ աղջկա հետ։
