Այսօր միայն ծույլ մարդը չի ասի, որ պետք է բարձրացնել սեփական ինքնագնահատականդ և սիրել ինքդ քեզ, հակառակ դեպքում ոչ ոք քեզ չի գնահատի ու սիրի:
Դա, անշուշտ, այդպես է, սակայն շատերն այդ մասին մոռանում են՝ խոսելը հեշտ է, սակայն ոչ ոք չի գործում: Շատ կարևոր է ոչ միայն ինքդ քեզ սիրելը, այլև տիրապետել այն գործիքներին, որոնք բարձրացնում են քո ինքնագնահատականը:
Զգուշորեն ընտրեք հաղորդակցման շրջանակ
Հեռացրեք ձեր շրջապատից այն մարդկանց, ովքեր կայուն կերպով նվազեցնում են ձեր ինքնագնահատականը: Օրինակ, քրոնիկական քննադատները, թունավոր մարդիկ վատ ընկերներ են:
Նրանց կողքին դուք ենթագիտակցորեն սկսում եք կասկածի տակ դնել ձեր արժանիքներն ու նպատակների իրականությունը: Այդ մարդկանց կարծիքով դուք ամեն ինչ սխալ եք անում։ Նրանց նպատակն է ինքնահաստատվել, իսկ մյուսների մոտ բարդույթներ առաջացնել:
Ավելի ակտիվ շփվեք դրական մարդկանց հետ
Այս կանոնը բխում է նախորդկետից՝ բացառելով բացասական մարդկանց, շփվեք դրականների հետ:
Նրանք, ովքեր գովաբանում են ձեզ, դրական են ազդում ձեր գնահատականի վրա, նույնիսկ եթե դա ձեզ այնքան էլ արժանի չէ: Տեսնել մի շարք մարդկանց, ովքեր ուրախանում են ձեր հաջողություններով, ավելի վստահ դառնալու հիանալի միջոց է։
Ընդունել հաճոյախոսություններ
Դադարեք հաճոյախոսություններին բացասական կերպով պատասխանել: Սովորեք այդ հաճելի խոսքերի համար շնորհակալություն հայտնել, այլ ոչ թե փորձեք արդարանալ: