Կարծիք կա, որ դրա պատճառը էներգոխնայող համակարգն է. օճառն ու փոշին թմբուկի վրայից լավ չեն մաքրվում, ինչն էլ պատճառ է դառնում սնկերի ու նստվածքի առաջացման:
Բարեբախտաբար, այս խնդրի լուծման մի քանի պարզ եղանակներ կան, որոնք կարելի է կիրառել ամսական 2-3 անգամ:
Քացախ
Ստուգում ենք, որ մեքենայի թմբուկը դատարկ լինի: Փոշի լցնելու դարակի մեջ լցնում ենք 2 բաժակ քացախ, միացնում ենք լվացման ամենաերկարատև ռեժիմն ու առավելագույն ջերմաստիճանը: Եթե թմբուկի մաքրման ռեժիմ կա, միացնում ենք նաև դա:
Սպիտակեցնող միջոց
Թմբուկի մեջ սպիտակեցնող հեղուկ ենք լցնում ու կրկին միացնում ամենաերկար ռեժիմն՝ ամենաբարձր ջերմաստիճանով:
Պարզաջրում
Նստվածքն ու օճառը վերջնականորեն լվանալու համար պարզաջրման լրացուցիչ ցիկլ ենք անցկացնում՝ ջրի մեջ ոչինչ չավելացնելով:
Լվացող միջոցի լցոնման արկղիկը
Հանում ենք լվացող միջոցի չափամանը: Առանձին թասի մեջ գոլ ջուր ենք լցնում, ավելացնում մի քանի կաթիլ ամանների հեղուկ և չափամանն ընկղմում մի քանի րոպեով: Սովորական սպունգով լվանում ենք չափամանն ու չորացնում:
Թմբուկի ռեզինը
Ուշադիր զննում ենք ռեզինը՝ հեռացնելով նրա մեջ ընկած ավելորդ իրերը: Բորբոսի հետքերի դեպքում 1 բաժակ հեղուկ քլորային սպիտակեցնող միջոցին ավելացնում ենք 3 լիտր գոլ ջուր: Լաթի կտորը դրանում թրջելով՝ մաքրում ենք թմբուկի ռեզինը:
Ինչպես խնամել լվացքի մեքենան
- լվացքից հետո սպիտակեղենը երկար չենք թողնում մեքենայում
- մեքենայի դուռը լվացքից հետո գոնե 1 ժամով բաց ենք թողնում: Բայց ոչ ամբողջ ժամանակ:
- Թմբուկւ ռեզինը մաքրում ենք թղթե անձեռոցիկով, որ չոր ու մաքուր մնա:
- Մաքրող միջոցի տարածման չափամանը մի քանի լվացքը մեկ հանում ենք, ողողում ու չորացնում: