Շատերը կարծում են, որ եղունգները կրծելու սովորությունը անհանգստության նշան է: Սակայն միշտ չէ,որ այդպես է: Գիտնականներն ապացուցել են, որ այդ սովորություններն ավելի բարդ տագնապի մասին են խոսում, քան սովորական անհանգստությունն է:
Բոլոր նրանք, ովքեր կրծում են եղունգները, ունեն մեկ ընդհանուր գիծ:
Եղունգներ կրծելը ամենաանվտանգ զբաղմունքը չէ, եթե արդյունքում բաց և չմշակված վերքեր են մնում. դրանք հեշտությամբ կարող են վարակվել: Մի բրիտանացի նույնիսկ մահшցել է զարգացող վարակից:
Եղունգներ կրծելն այնքան էլ հազվադեպ սովորություն չէ: Մարդկանց 20-30 տոկոսը կրծում են իրենց մատները, որոնց մեծ մասը կանայք են:
Հետազոտողները նշում են, որ ամեն մեկի մոտ եղունգներ կրծելու պատճառները տարբեր են, ոմանք կրկնում են ծնողների, եղբայր-քույրերի արածները: Այն կարող է բնածին լինել կամ ձանձրույթը հաղթահարելու միջոց:
Փորձագետները նշում են, որ երեխային հաճելի է եղունգները կրծել, դա նրան ֆիզիկական հաճույք է պատճառում: Չի բացառվում, որ այդ հաճույքը խեղաթյուրված ձևով փոխարինում է այլ, իրեն անմատչելի գործողությունների:
Այդ սովորություից երեխային ազատելու համար պետք է առաջարկել այլ զբաղմունք, որը ավելի հաճելի է նրան:
Մինչ օրս մասնագետները չեն կարողանում հստակ նշել, թե ինչն է ստիպում մարդկանց կրծել եղունգները: Ոմանք կարծում են, որ դա տեղի է ունենում սթրեսի հետևանքով, իսկ ոմանք էլ որ դա հոգեկան խնդիրների ազդանշան է:
Բացի այն, որ եղունգներ կրծելով կարող եք բակտերիաներ առաջացնել, այն կարող է վնասել նաև ատամների էմալը:
