Երբ առաջին անգամ ինքնաթիռով պետք է ուղևորություն կատարես, այլ զգացողություններ ես ունենում՝ վախ, տագնապ, անհանգստություն: Սակայն ոչ բոլորը գիտեն, թե ինչպես պետք է քեզ պահես ինքնաթիռում, ինչ պետք է անես մինչև ինքնաթիռ հասնելը:
Նախ սկսենք ուղեբեռից: Յուրաքանչյուր ինքնաթիռում կարող եք տեղավորել երկու տեսակի ուղեբեռ՝ ձեռքի և բեռնախցիկի: Սակայն ամեն ավիաընկերություն ուղեբեռների իր քանակն ու չափն ունի, անպայման պետք է դա ճշտել:
Պետք է օդանավակայան գնաք թռիչքից առնվազն 2 ժամ առաջ, որպեսզի հասցնեք:
Այնուհետև պետք է գրանցվեք, որպեսզի հետո հանձնեք բեռը, որից հետո օդանավակայանի աշխատակիցները մետաղորսիչների և հատուկ սարքերի միջոցով ձեզ ստուգելու են՝ պարզելու, թե արդյոք ձեզ մոտ չկան արգելված իրեր:
Կարող եք ձեզ հետ վերցնել այն ամենը, ինչը ձեզ պետք կգա՝ գիրք, պլանշետ, ականջակալներ: Հա, ի դեպ, չմոռանաք հեռախոսը և պլանշետը դնել ավիառեժիմի վրա, դա շատ ավիաընկերություններ պարտադրում են:
Ինքնաթիռով առաջին թռիչքի ընթացքում յուրաքանչյուր մարդ զգում է մի շարք էմոցիաներ՝ ուրախությունից մինչև սարսափ: Թռիչքից առաջ չպետք է վախենալ:
Չնայած ձեր բոլոր մտավախություններին, հիշեք՝ ինքնաթիռը տրանսպորտի ամենաանվտանգ տեսակներից մեկն է։ Ամենակարևորը թռիչքի ընթացքում մի անհանգստացեք, մնացած կանոնները մանրուքներ են:
Ահա մի քանի բաներ, որոնց մասին օգտակար է հիշել թռիչքի ժամանակ ։
Զուգարան կարելի է գնալ, երբ «ամրացրեք գոտիները» լուսատախտակը մարվի:
- Ձեզ սնունդ կբաժանեն, եթե ավիաընկերությունը տալիս է:
- Թռիչքի ժամանակ ինքնաթիռը թափահարում է: Դա նորմալ է:
- Թռիչքի ընթացքում ականջներում խշշոց լինել, դրա համար ինքնաթիռում հաճախ կոնֆետ են տալիս, դուք կարող եք ձեզ հետ մաստակ վերցնել:
- Ինքնաթիռում մաշկը չորանում է, դրա համար ձեզ հետ քսուկ և կրեմ վերցրեք: